Ang log truck mula sa Final Destination ay biglang lumitaw sa Commonwealth Avenue!
Sa isang viral na video sa TikTok ni Rhys (@rhyszxc), makikita ang isang log truck na parang eksena mismo sa pelikula. Habang nagmamaneho siya sa Quezon City, nakita niya ang trak na ito at naka-overtake pa nga siya!
Pero huwag mag-alala—hindi totoong puno ang karga nito.
Ang nasabing trak ay bahagi pala ng promo campaign ng bagong horror film na ‘Final Destination: Bloodlines’. May mga pekeng troso sa likod at ibabaw ng truck para magmukhang delikado, tulad ng iconic scene sa “Final Destination 2.”
“Spotted in Commonwealth. Promotion, hellaur???”
'Yan ang caption ni Rhys sa kanyang TikTok post na agad nag-viral! Umabot ito sa 720,600 likes, 36,200 bookmarks, at 3,000 comments. Maging ang official account ng pelikula ay nag-comment pa ng “Very brave of you.”
Marami ring netizens ang nakarelate at natawa.
“Trauma na naman 'to!” sabi ng isa. “Grabe ‘tong marketing nila,” ayon sa isa pa. Naging usap-usapan talaga ang creative at nakakakilabot na promo na ito.
Mapapanood na ang sneak preview ng pelikula sa May 9 at 10.
Ang “Final Destination: Bloodlines” ay pagbibidahan nina Kaitlyn Santa Juana, Teo Briones, Richard Harmon, at iba pa. Opisyal na ipapalabas sa May 14 sa mga sinehan sa Pilipinas!
