The Demon Slayer: Kimetsu no Yaiba – The Movie Infinity Castle ay opisyal nang naging highest-grossing international film sa North America, tinalo ang record na 25 taon nang hawak ng Crouching Tiger, Hidden Dragon.
Sa North America, kumita ang pelikula ng ₱7.5 bilyon (US $128.637M), kabilang na ang dagdag na ₱131M (US $2.25M) sa ikalimang weekend nito. Dahil dito, umakyat ito sa ikapito sa box office rankings at nagtala ng bagong kasaysayan sa takilya.
Sa buong mundo, umabot na sa ₱37.8 bilyon (US $648M) ang kabuuang kita nito, kaya kabilang na ito sa top 5 highest-grossing films ng 2025. Naging number one comic-based film din ito ngayong taon, lagpas pa sa ibang sikat na superhero movies.
Hindi rin bago ang tagumpay na ito para sa Demon Slayer. Noong 2020, nagawa na rin ng Mugen Train na maging pinakamalakas na anime film sa takilya. Ngayon, mas pinatibay ng Infinity Castle ang posisyon ng Demon Slayer bilang hari ng anime movies sa buong mundo.
