Nagsimula ang bagong nationwide campaign ng Department of Transportation (DOTr) at Motorcycle Development Program Participants Association (MDPPA) para itaguyod ang kaligtasan ng motorista at edukasyon sa kalsada. Layunin ng proyekto na mapabuti ang kaalaman ng mga rider at mabawasan ang aksidente sa lansangan.
Kabilang sa MDPPA ang mga pangunahing motorcycle manufacturers gaya ng Kawasaki, Yamaha, Suzuki, Honda, at TVS. Sa pamamagitan ng kanilang suporta, inaasahang mas maipapakalat ang mensahe ng responsableng pagmamaneho sa buong bansa.
Ayon kay Transportation Secretary Giovanni “Banoy” Lopez, “Nakahanda na ang DOTr na ilunsad ang mga aktibidad sa ilalim ng MOA na ito. Nagpapasalamat kami sa MDPPA at sa iba pa nating partners na kaisa natin sa pagtitiyak na ligtas ang ating mga kalsada para sa mga motorista at komyuter.”
Pinangunahan ni DOTr Undersecretary Ramon Reyes ang pagpirma ng kasunduan, na kasabay din ng induction ng mga bagong opisyal ng MDPPA. Kabilang sa mga bagong lider ang Erwin Estrada (Honda Philippines) bilang presidente, Romeo Tan (Yamaha) bilang VP, Norminio Mojica (Suzuki) bilang Treasurer, at Alexander Cumpas (Kawasaki) bilang Auditor.
Inaasahan ng DOTr at MDPPA na sa pamamagitan ng mas malawak na edukasyon at awareness programs, mas maraming rider ang magiging disiplinado at ligtas sa kalsada. Ito ay hakbang para sa isang responsable at maayos na motoring culture sa buong bansa.
