The singer-actress na si Rita Daniela ay umamin na siya mismo ang unang gumawa ng move sa boyfriend niyang basketball player na si McLaude Guadaña. Ayon kay Rita, nagsimula ang lahat nang makita niya si McLaude sa Instagram story ng anak ni Wendell Ramos na si Xavier Ramos.
Nang makita niya ang post, sinabi ni Rita sa sarili, “Luh, parang cute ‘to!” Kaya bilang “fearless woman,” naglakas-loob siyang i-follow si McLaude kahit akala niya ay may girlfriend na ito. Nang i-follow back siya ng player, agad siyang nag-message at doon nagsimula ang kanilang pag-uusap.
Tatlong araw matapos ang kanilang unang chat, nagkita na sila. Ayon kay McLaude, habang ihinatid niya si Rita pauwi, tinanong niya ito kung puwede na ba niyang maging girlfriend. Sagot ni Rita ay oo, pero pinaintindi niya muna ang sitwasyon dahil isa siyang single mom sa tatlong taong gulang na anak niyang si Uno.
Masaya si McLaude nang makilala si Uno at sinabi niyang tanggap siya ng bata. Para sa kanya, “Ang pag-ibig ay sakripisyo, pipiliin mo pa rin ang taong mahal mo.” Napaiyak si Rita sa sagot ng nobyo at sinabi niyang sobrang thankful siya kay Lord sa bagong yugto ng buhay niya.
Ayon kay Rita, dumaan siya sa mahirap na panahon bilang ina, pero ngayon ay masaya siya dahil maayos ang lahat—mula sa anak niya, sa pamilya, hanggang sa pag-ibig na dumating sa tamang oras.
