Ang bagong Senador na si Erwin Tulfo ay nagbabala na hindi dapat madaliin o basta-basta i-dismiss ang impeachment case laban kay Bise Presidente Sara Duterte. Sa kanyang unang press briefing noong Hunyo 30, sinabi ni Tulfo na dapat pakinggan ng Senado ang mga ebidensya bago magdesisyon. Ayon sa kanya, mahalagang malaman ng taumbayan ang katotohanan dahil sila ang naghalal sa mga opisyal.
Binanggit ni Tulfo na kung iiwasan ng Senado ang pormal na paglilitis, maaari itong magdulot ng problema sa batas. Dagdag pa niya, kung walang sapat na basehan ang reklamo, siya mismo ang mangunguna sa pagbasura nito. Pero bago ito, nais niyang tiyakin na may makatarungang pagdinig.
Ipinaliwanag din niya na kung hindi sosolusyunan nang tama ang kaso, palaging mababalahaw si Duterte sa isyung ito. Aniya, kailangan maayos itong tapusin sa legal na paraan para wala nang alinlangan.
Hindi lang impeachment ang kanyang tinutukan. Nagsumite rin si Tulfo ng sampung panukalang batas na may kinalaman sa agrikultura, edukasyon, kalusugan, at mabuting pamamahala. Ilan sa mga ito ay ang Review ng Rice Tariffication Law, Barangay Officials’ Salary Standardization Law, at Anti-Road Rage Act.
