Ang matinding presensya ng pulis ang nakita sa lugar matapos dalawang bumbero ang napatay nang sila ay pagbabarilin habang nagsusumikap apulahin ang apoy sa northern Idaho, sabi ng mga otoridad nitong Linggo. Patuloy pa rin ang putok mula sa sniper at hinahanap ang salarin.
Hindi pa malinaw kung isa lang o maraming tao ang namaril, ayon kay Kootenai County Sheriff. Posibleng may mga sibilyan ding nadamay sa insidente na nangyayari sa isang nature area sa Coeur d'Alene.
Nangyari ang pamamaril sa Canfield Mountain nature area, isang paboritong lugar ng mga nagha-hiking malapit sa Coeur d'Alene, isang lungsod na may 57,000 katao na nasa 420 km silangan ng Seattle, Washington.
Unang tumanggap ang mga bumbero ng tawag tungkol sa sunog mga 1:21 ng hapon. Makalipas ang 40 minuto, dumating ang ulat na sila ay binabaril habang nagtatrabaho.
Nagpapatuloy ang imbestigasyon habang tinutugis pa rin ang responsable sa karahasan.
