Ang Marvel Legends Maximum Series Deadpool ay opisyal na inanunsyo bilang bagong 6-inch action figure na puno ng detalye at accessories. May presyo itong humigit-kumulang ₱2,900 at ilalabas sa Nobyembre 2025.
Ang figure na ito ay inspirasyon mula sa iba’t ibang Deadpool comics gaya ng Deadpool, X-Force, at X-Men. Makikita ang detalyadong sculpt na nagpapakita ng matipunong katawan sa kanyang pulang costume. Mayroon itong 30 articulation points, kaya madaling makagawa ng dynamic poses para sa display o play.
Pinaka-highlight ng release ay ang 24 accessories na kasama. Nariyan ang apat na sets ng kamay, alternate head sculpt na half-mask, AK-47, M60 machine gun, rifles, dalawang pistols, tatlong muzzle effects, dalawang katanas, maliit na kutsilyo, explosives, at ang paboritong pagkain ni Deadpool na Chimichanga. Dagdag pa rito, kasama rin ang maliit na figure ng Doop na may stand para ma-display na lumulutang.
Ang bagong release na ito ay malinaw na para sa mga fans na gusto ng kumpletong Deadpool experience. Sa dami ng accessories at high articulation, siguradong standout ito sa kahit anong Marvel Legends collection.