Ang katawan ng isang patay na sanggol ay natagpuang palutang-lutang sa ilog na sakop ng Barangay San Vicente, Angono, Rizal nitong Miyerkules ng hapon, Hulyo 30.
Ayon sa ulat, isang concerned citizen ang nag-report sa barangay tungkol sa nakita nitong sanggol. Agad rumesponde ang mga tauhan ng Barangay Public Safety Office (BPSO) at doon nila natagpuan ang sanggol na lalaki na tinatayang limang buwang gulang. May mga guhit na nakita sa leeg nito at pinaniniwalaang dalawang araw nang nakalubog sa tubig.
Wala pang naiuulat na nawawalang bata sa lugar. Ipagpapatuloy ang imbestigasyon at kinuha na ng mga taga-SOCO ang labi ng sanggol para isailalim sa autopsy. Pinag-iimbestigahan din kung may kaugnay na ulat mula sa kalapit na barangay gaya ng Binangonan o Cainta.
