Ang isa pang batang inanod sa Rizal ay natagpuan na nitong Martes, Hulyo 22, sa Dike Lakeshore, Barangay San Isidro, Tanay, Rizal. Ayon sa ulat, isang mangingisda ang nakakita sa bangkay na palutang-lutang sa lawa at agad na nag-report sa awtoridad.
Kinilala ang nakakita na si Gerald Dela Cruz, 38, na noon ay nanghuhuli ng isda. Agad itong ini-report sa 3rd MP Rizal Mobile Force Company na pinamumunuan ni P/Captain Manuel Padlan. Naiahon ang bangkay at dinala sa Parola ng Barangay San Isidro. Ang biktima ay tinatayang may edad 7 hanggang 12 at wala pang nag-claim ng katawan.
Noong Lunes, Hulyo 23, unang nahanap ang 11-anyos na bata na kasamang inanod noong Hulyo 19 sa Morong, Rizal. Ayon sa imbestigasyon, nasa gilid sila ng tulay nang biglang rumagasa ang malakas na agos at inanod ang dalawa. Nasaksihan ito ng 10-anyos na kapatid pero natakot magsabi kaya hindi agad nai-report.
