Ang kalsada sa San Jose Del Monte, Bulacan ay nagkaroon ng matinding trapik matapos pumuno ng mga nakaparadang sasakyan sa magkabilang lane ng Road 1 sa Barangay Minuyan Proper.
Ibinahagi ng netizen na si Jr Alvren Mangapot ang isang video sa Facebook noong Hulyo 2, kung saan makikitang nakahilera ang mga four-wheeled vehicles sa magkabilang gilid ng daan, malapit sa garahe ng V1 Bus Line.
Sa video, maririnig ang isang lalaki na nagsasabing, "Nag-away away na sila, o," habang sinusubukang dumaan ng ilang rider ng motorsiklo sa harap ng sasakyang kumukuha ng video.
Ayon sa ulat ng SJDM Newscatcher, tumanggi umalis ang mga drayber ng mga nakaparadang sasakyan kahit na nakakasagabal na ito sa mga dumadaang motorista.
Ang ganitong double parking ay tumutukoy sa pagparada ng sasakyan sa tabi ng isa pang nakaparada na, na nagreresulta sa pagbara ng daloy ng trapiko.
