Ang Asia’s Songbird na si Regine Velasquez-Alcasid at sikat na komedyante at singer na si Vice Ganda ay naglabas ngayon (June 27, 2025) ng bagong Pride anthem na pinamagatang “SUPERDIVA.” Ang kanta ay isinulat nina Vice Ganda at Jonathan Manalo, at pinalabas ang lyric video nito sa ABS-CBN Star Music YouTube channel.
Makikita at mapapakinggan na ang lyric video ng “SUPERDIVA,” na tiyak na magpapasaya sa fans lalo na ngayong Pride Month.
Kasabay ng single, inanunsyo rin nila ang kanilang SUPERDIVAS concert na gaganapin sa August 8 at 9 sa Araneta Coliseum sa Cubao. Ang concert ay ididirek ni Jon Moll at si Raul Mitra naman ang musical director. Asahan ang engrandeng production mula sa dalawang bigating artista ng bansa.
Para kay Velasquez-Alcasid, ito na ang pangalawang concert niya ngayong 2025 matapos ang matagumpay na ‘RESET’ concert series noong Pebrero. Kamakailan, nakipag-collab din siya kay beauty queen dia maté para sa kantang “Ina,” isang awit na tumutulong magbigay lakas sa LGBTQ+ community.
