Ang singer na si James Reid ay humanga sa talento ni TJ Monterde matapos silang mag-collab sa kantang "Pahinga." Sa panayam ng Philstar.com pagkatapos ng Fête de la Musique main stage performance ni James noong June 21, ikinuwento niya kung paano nabuo ang project.
Unang ginawa ni James ang kanta kasama sina Jason Marvin Hernandez at Brian Lotho, pero iniwang bukas ang isang verse para sa posibleng collab. Agad niyang inirekomenda si TJ sa team niya sa Sony Music. Sakto namang nasa parehong building si TJ at napakinggan agad ang demo. Nag-message pa si James kay TJ sa Instagram at sinabing, “We made it happen right there and then.”
Ayon kay James, parehong magaling si TJ sa pag-awit at pagsusulat. Pinuri niya ang linya ni TJ sa second verse at sinabing bumagay ang kanta lalo sa boses nito. Paborito rin ni James ang linya sa lyrics na, "Ikaw ay mas mahalaga, kaysa sa maging tama," na para sa kanya ay nagpapakita ng pagmamahal higit sa pride.
