The Meta ay nag-anunsyo na isasama nito ang content mula sa malalaking news organizations sa kanilang AI assistant para magbigay ng real-time information sa users ng Facebook, Instagram, at WhatsApp. Kinuha ang balita mula sa CNN, Fox News, Le Monde, People, at USA Today bilang bahagi ng bagong partnerships.
Binanggit ng kumpanya na makakatulong ito para mas marami at mas iba-ibang content sources ang ma-access ng users, kasama ang direktang links papunta sa partner websites. Layunin nitong gawing mas responsive, accurate, at balanced ang Meta AI, lalo na sa breaking news at mabilis na pangyayari.
Kasama sa unang batch ng partners ang ilang mainstream at conservative-leaning publications tulad ng The Daily Caller at The Washington Examiner. Patuloy pa raw magdadagdag ng bagong partners ang Meta habang tumitindi ang kompetisyon sa AI assistants tulad ng ChatGPT at Gemini na pareho ring nag-iintegrate ng live news content.
May sarili ring media partnerships ang iba pang tech companies. Ang OpenAI ay may deals kasama ang News Corp, Le Monde, Washington Post, at Axel Springer. Ang Google ay nakipag-partner sa Associated Press, habang ang Mistral sa AFP. Kasabay nito, ilang AI firms tulad ng Perplexity ay nag-aalok ng paid access sa partnered news content.
Sa kabila ng mga bagong partnership, nagpapatuloy ang mga lawsuits ng ilang news outlets laban sa AI companies. Kabilang dito ang kaso ng New York Times laban sa OpenAI tungkol sa umano’y paggamit ng articles nang walang pahintulot. Nitong mga araw, sumali rin ang Chicago Tribune, Wall Street Journal, at New York Post sa mga reklamong laban sa Perplexity.
