The dating beauty queen na si Akini Arradaza, isang dating Miss Matag-ob, ay natagpuang patay sa dagat ng Tacloban noong Agosto 4. Natagpuan ang bangkay sa Barangay 99-Diit, Tacloban City, matapos iulat ng isang mangingisda.
Ayon sa pulisya, si Akini ay dinukot noong Hulyo 31 sa Barangay Valencia, Ormoc City, ng tatlong armadong lalaki. Nakuhanan pa siya sa CCTV habang sapilitang isinasakay sa isang itim na sasakyan patungong Kananga, Leyte.
Natukoy ang katawan base sa mga tattoo at pisikal na anyo. Kinumpirma rin ito ng kanyang pamilya sa punerarya bago isailalim sa autopsy. Sa unang pagsusuri, hubad at bloated na ang katawan, nakalabas ang dila, at nakalitaw ang mga mata. Ang leeg, kamay, at paa ay nakatali gamit ang lubid, habang ang mukha ay tinakpan ng itim na tela at binalot ng duct tape.
Nakita ang katawan dahil sa impormasyon mula sa kapwa mangingisda. Agad na ipinaalam sa Bureau of Fisheries and Aquatic Resources at dinala sa pampang ng Barangay 99-Diit. Patuloy ang imbestigasyon para mahanap ang sasakyan at mga salarin.
