Ang VinFast Philippines ay naglunsad ng Residual Value Guarantee (RVG) program na nagbibigay ng garantisadong resale value sa kanilang electric vehicles (EVs) hanggang 3 taon.
Sa ilalim ng RVG, may fixed depreciation schedule simula Nobyembre. Kapag pumasa ang sasakyan sa inspeksyon, ang maximum guaranteed values ay 90% pagkatapos ng 6 buwan, 86% pagkatapos ng 1 taon, 78% pagkatapos ng 2 taon, at 70% pagkatapos ng 3 taon.
Sinabi ng VinFast na ang patakarang ito ay nagbibigay ng mas malaking peace of mind sa mga Pilipinong gustong lumipat sa green mobility at nagpapakita ng kanilang pangmatagalang commitment sa merkado ng Pilipinas.
Sakop ng RVG ang buong lineup mula VF3 hanggang VF9 at bukas ito sa mga bagong buyers. Kasama rin dito ang iba pang suporta tulad ng 10-year warranty, 3 taon ng libreng charging sa V-Green stations, flexible financing, at 24/7 assistance.
Habang lumalakas ang presensya nito sa bansa, patuloy na nag-e-expand ang VinFast ng mga dealerships at service centers para makabuo ng mas malawak na EV ecosystem at mas madaling paglipat ng mga Pilipino sa sustainable mobility.
