Ang bagong Fujifilm GFX100RF “Fragment Edition” ay isang espesyal na kolaborasyon kasama si Hiroshi Fujiwara at ang kanyang fragment design. Kilala si Fujiwara sa minimalist na estilo, kaya binigyan niya ang camera ng kakaibang hitsura na madaling mapansin ng mga fans at collectors.
Ginawa ang camera base sa flagship GFX100RF, pero mas pinaganda ito gamit ang hand-polished, glossy deep black finish. Ang katawan ay gawa sa anodized aluminum at pinakinis para magmukhang makintab na parang salamin. Mayroon ding maliit at eleganteng lightning bolt logo ng fragment design sa taas ng camera at sa mga accessories.
May dagdag na eksklusibong detalye tulad ng fragment logo na lumalabas pag nag-on, custom na leather strap, at mga accessories na tugma sa premium na disenyo. Kasama rin dito ang bagong FRGMT BW film simulation, na may malakas na contrast, mukhang film grain, at dramatikong shadows — perfect para sa black-and-white lovers.
Pareho pa rin ang specs nito sa regular GFX100RF: 102MP sensor at advanced image processing. Pero ang Fragment Edition ay para sa mga kolektor dahil limited lang ito at hindi basta mabibili.
Ibebenta ito sa Japan sa halagang ¥998,000 JPY (₱~380,000+ / $6,375 USD). Makukuha lamang ito sa pamamagitan ng raffle system sa Fujifilm Mall, at magsisimula ang pre-order sa December 20, 2025.
