Ang Gordon Ramsay Bar & Grill sa Newport World Resorts, Pasay, ay nagpakilala ng espesyal na holiday menu mula Nobyembre 21 hanggang Enero 4. Tampok sa menu ang Beef Wellington log — wagyu beef fillet na may mushroom, truffle creamed Koffmann’s potatoes at red wine, perpekto para sa buong pamilya (P29,888).
Para sa Thanksgiving at Pasko, may inihandang Hungarian turkey na umaabot ng anim na kilo, sapat para sa anim hanggang walong tao. Kasama sa ulam ang roasted potatoes, baby carrots, braised red cabbage, Brussels sprouts, at cranberry jelly. Kailangan ng 48-oras na reservation para sa buong turkey (P16,000), habang ang individual roasted turkey breast ay P1,500.
Mayroon ding Christmas wreath salad na may kale, quinoa, carrot, beetroot, pomegranate, goat cheese at orange dressing. Para sa panghimagas, may Christmas pudding na may brandy butter sauce. Maaari ring tikman ang festive cocktails tulad ng mulled wine, Christmas Baubletini, New Year’s Midnight Glitter, at Bailey’s gingerbread espresso affogato martini para sa tamang balanse ng tamis at pait.
