Ang German tech brand Loewe ay nakipag-collaborate sa Jacob & Co. para sa isang espesyal na diamond-studded headphones. Ito ay limitado at bawat unit ay may mataas na halaga, mula ₱6.2 milyon hanggang ₱7.5 milyon.
May dalawang design ang mga headphones: “Ice Diamond” na may 14-karat white gold at 456 na diamonds, at “Noir Rainbow” na may halos 16 carats ng multi-colored sapphires na naka-set sa 14-karat rose gold.
Ayon sa CEO ng Jacob & Co., ito ay hindi lang simpleng accessory kundi isang luxury experience kung saan nagtatagpo ang artistry at technology para ipakita ang personal na estilo ng mga gumagamit.
Ang collaboration na ito ang kauna-unahang pagkakataon na nakipagtulungan ang Jacob & Co. sa tech company, at pinapakita nito kung paano maaaring pagsamahin ang fashion at innovation sa high-end gadgets.
Para sa mga mahilig sa luxury tech, ang bagong headphones na ito ay exclusive at tiyak na magiging collector’s item dahil sa kakaibang disenyo at napakataas na halaga.
