Ang K-pop star na si Sandara Park nagbigay ng malaking sorpresa sa fans nang sumama siya sa concert ng Black Eyed Peas sa SM Mall of Asia Arena kagabi.
Sa solo performance ni apl.de.ap, bigla siyang sinamahan ni Sandara sa entablado na agad ikinatuwa ng libu-libong nanood.
Sabay nilang kinanta ang single na “2 Proud” na lalo pang nagpasigla sa crowd.
Ito ang pagbabalik ng Black Eyed Peas sa Pilipinas matapos ang anim na taon. Huling beses silang nag-perform dito noong 2019 sa closing ceremony ng Southeast Asian Games sa Tarlac.
Ang ticket prices ay nagsimula sa humigit-kumulang ₱3,000 at umabot ng halos ₱15,000, patunay ng mainit na suporta ng Pinoy fans sa grupo at kay Sandara.
