Ang mag-asawang sina Jezreel Tua Ramirez, 34, at ang buntis niyang misis na si Jean, 33, ay napatay sa isang highway robbery noong Agosto 25, 2025 sa Barangay Ugalingan, Carmen, Cotabato.
Ayon sa ulat ng Cotabato Provincial Police Office, pauwi na ang mag-asawa sakay ng kanilang multicab mula Kabacan nang harangin sila ng mga armadong lalaki. Kinuha ang kanilang gamit at pinagbabaril gamit ang .45 caliber pistols.
Si Ramirez ay agad na nasawi sa lugar dahil sa tama ng bala, habang ang kanyang buntis na asawa ay binawian ng buhay sa ospital kinabukasan.
Ang mag-asawa ay residente ng Purok 7, Barangay Poblacion, Carmen. Nagsasagawa ngayon ng imbestigasyon ang Carmen Police kasama ang mga opisyal ng bayan upang matukoy ang mga suspek na mabilis na tumakas matapos ang insidente.
Patuloy ang pagtutulungan ng mga opisyal at mga barangay tanod para mahuli ang mga sangkot sa krimen at mabigyan ng hustisya ang pamilya ng mga biktima.
