Ang totoo, single mom ako ng lima, may work-from-home, at kasama pa namin ang parents ko sa bahay. May matagal na akong kaibigan, siya ang ninong ng bunso ko, at hindi ko inakala na hahantong kami sa ganito. Naging friends-with-benefits kami kahit alam kong may partner siya at mga anak. Sa una, sinubukan kong umiwas kasi ayokong masira ang pamilya niya at pati na rin ang sa amin, pero hindi siya tumigil. Lagi siyang nagpaparamdam, at dumating sa point na sinabi niyang seryoso siya sa akin at iiwan niya ang partner niya.
Dumating ang araw na nalaman ng partner niya ang lahat. Pinatalsik siya sa bahay nila at napilitan siyang lumipat sa kamag-anak niya. Doon kami mas naging malapit. Nakatulong ang ex niya at tita ko na bigyan siya ng oportunidad magtrabaho abroad, at tinanggap niya iyon. Kahit malayo, sinisigurado niyang mag-update palagi para hindi ako magduda. Uuwi rin siya para tumulong sa mga anak ko. Pero kahit ganoon, ramdam ko pa rin ang bigat ng sitwasyon kasi patuloy silang nag-aaway ng partner niya. Pinag-iinitan pa rin siya, at umaasa ang babae na baka magkabalikan sila.
Hindi rin naging madali para sa akin. Isang araw, nag-message pa ang mama ng ex niya, sinisisi ako na ako raw ang sumira ng pamilya nila. Hindi ko na lang sinagot dahil alam ko sa sarili ko na hindi siya nangloko, at higit sa lahat, hindi na rin ako ang dahilan kung bakit sila nagkahiwalay. Ang hindi nila alam, may iba nang lalaki ang ex niya, at matagal na silang may problema bago pa man ako pumasok sa buhay ng jowa ko.
Ngayon, dumating na sa punto na gusto ng jowa ko na magsama na kami at magpakasal. Legal na siya at ginagawa niya ang lahat para maging parte ng buhay ko at ng mga anak ko. Naiisip ko rin ang babae, kasi pito silang taon na nagsama pero hindi man lang siya inalok ng kasal. Ngayon, ilang buwan pa lang kaming seryoso, ako ang gusto niyang pakasalan. May pagkakataon na gusto ko siyang bitawan para bigyan sila ng chance mag-ayos, pero siya mismo ang pumipili na manatili sa akin. Siya ang nag-effort, siya ang lumalaban, at siya rin ang nagpapakita na handa siyang ayusin ang relasyon namin kahit mahirap.
Hindi ko alam kung mali ba talaga ako, pero sa puso ko, alam kong iba ang pagmamahal at effort na binibigay niya sa akin. Ang hirap magdesisyon, pero mas pinipili kong pakinggan ang kung ano ang totoo at kung sino ang totoong lumalaban para sa akin at sa mga anak ko.
