Ang 56-anyos na security guard ay natagpuang patay na palutang-lutang sa tabing lawa malapit sa Guest House ng La Mesa Dam sa Quezon City bandang 2:30 a.m. nitong Linggo.
Ayon sa pulisya, ang biktima na taga-Tondo, Manila, ay naka-assign bilang gwardya sa naturang dam.
Base sa initial na imbestigasyon ng QCPD, nahulog umano ang gwardya habang sinusubukang pumitas ng mangga mula sa isang puno.
Nagkaroon siya ng matinding sugat sa ulo dahil sa pagkakahulog.
Kasalukuyan nang hawak ng Criminal Investigation and Detection Unit (CIDU) ang kaso para sa karagdagang imbestigasyon.
