Ang mga fans ng OPM band na IV of Spades ay nagpakita ng matinding excitement matapos ang kanilang unang live performance mula noong hiatus. Naganap ito noong Agosto 10, nang ipakilala nila ang comeback single na “Aura” sa isang kilalang variety show.
Pagkatapos ng performance, umulan ng komento sa social media mula sa mga tagasuporta. “Concert soon pls!” at “Release new album agad!” ang ilan sa mga mensahe ng fans na sabik sa mas maraming music mula sa banda.
Ito rin ang unang pagkakataon na nag-perform nang magkasama sina Unique Salonga, Zild Benitez, Blaster Silonga, at Badjao de Castro mula nang umalis si Unique noong 2018. Marami ang natuwa sa muling pagbabalik ng kumpletong line-up, na matagal nang hinihintay ng mga tagahanga.
Noong nakaraang buwan, nagulat ang publiko nang biglang i-release ng banda ang bagong single na “Aura.” Ang IV of Spades ay nagdeklara ng indefinite hiatus noong 2020 upang pagtuunan ng pansariling career ang bawat miyembro.
Ngayon, umaasa ang mga fans na susundan agad ng banda ang kanilang pagbabalik sa pamamagitan ng isang malaking concert at bagong album na siguradong patok sa masa.
