LEGO naglabas ng bagong Game Boy model set na halos kasing laki ng orihinal na handheld console. May 421 piraso ito at kumpleto sa iconic na detalye gaya ng A at B buttons, +Control Pad, contrast dial, at functional na Game Pak slot.
Kasama sa set ang dalawang interchangeable cartridges: The Legend of Zelda: Link’s Awakening at Super Mario Land. May swappable screens din na nagpapakita ng hitsura ng bawat laro at classic Nintendo start screen.
Dinisenyo ito para sa adult builders at fans ng retro gaming. May kasamang step-by-step instructions para madaling buuin kahit ng baguhan.
Pre-order na ngayon ang LEGO Game Boy at magiging opisyal na available sa Oktubre 1, 2025. Presyo nito ay $60 USD at mabibili sa LEGO stores, piling retailers, at sa opisyal na LEGO website.
