Ang Pagani ay naglabas ng isang espesyal na bersyon ng kanilang Utopia hypercar na tinawag na “The Coyote.” Ito ay in-order ng isang masugid na kolektor at inspired ng matinding karera sa 24 Hours of Le Mans.
Kahit mukhang gasgas at gamit ang labas, ang “Coyote” ay nasa perpektong kondisyon. Ang disenyo ng pintura ay kombinasyon ng Rosso Monza, Blue, at Turquoise na tila may grasa, tire marks, at dumi — parang dumaan sa matinding karera, kahit hindi naman talaga.
Ang loob ng sasakyan ay sobrang linis at elegante. May two-tone red at blue interior ito, kasama ang signature na exposed mechanics at mga makinang na detalye na karaniwang makikita sa isang tunay na obra maestra ng Pagani.
Ang kolektor na nagpagawa nito ay mayroon nang dalawang Pagani noon pa. Ayon sa Pagani, ang pagkakagawa ng “Coyote” ay ginawa nang may pasensya, pag-aalaga, at halos parang isang meditasyon.
Isang patunay ito kung paanong ang pag-ibig sa sasakyan ay maaring isalin sa isang disenyo na pangkarera ang dating, pero panloob ay puno ng luho at detalye.
