Ang kilalang balladeer na si Amiel Sol ay nakatakdang ipalabas ang music video ng kanyang bagong kanta na “Nahanap Kita” sa Hulyo 11, 2025. Mapapanood ito sa opisyal na YouTube channel ng Viva Records. Sa mga teaser, makikita ang vintage at romantic na vibes ng video, na tiyak na ikatutuwa ng kanyang fans.
Inilabas ni Amiel ang kantang “Nahanap Kita” noong Abril 23, at ito ngayon ay ginagamit bilang soundtrack ng web series na “Seducing Drake Palma” na pinagbibidahan nina Rabin Angeles at Angela Muji. Sa bagong kantang ito, gumamit si Amiel ng dreamy reverb para bigyang lalim at emosyon ang simpleng ballad.
Sa isang panayam kasama ang Billboard Philippines, ibinahagi ni Amiel ang inspirasyon niya sa kanta. Ayon sa kanya, ito ay tungkol sa pagmamahal na nararanasan niya mula sa pamilya, nobya, at malalapit na kaibigan. Dagdag pa niya, ito raw ang klaseng pagmamahal na gusto mong uwi-an pagkatapos ng mahabang araw — yung pagmamahal na sabay kayong lumalago.
Ang kanyang bagong tunog at emosyonal na tema ay inaasahang mas magpapa-connect sa mga listeners. Sa lalim ng damdamin ng kanta, marami ang tiyak na makaka-relate at mapapangiti sa kanyang mensahe ng pagmamahal.
Huwag palampasin ang official premiere ng music video ng “Nahanap Kita” sa Viva Records’ YouTube Channel ngayong Hulyo 11.
