Ang P50 dagdag sahod ay inaprubahan ng Department of Labor and Employment (DOLE) para sa mga minimum wage earners sa Metro Manila. Aabot sa 1.2 milyong manggagawa ang makikinabang sa bagong taas-sahod.
Sinabi ni DOLE Secretary Bienvenido E. Laguesma na inaprubahan ito ng NCR Regional Tripartite Wages and Productivity Board (RTWPB) sa pamamagitan ng Wage Order 26. Ayon sa kanya, ito na ang pinakamalaking dagdag sahod na ipinatupad sa Metro Manila.
Dahil dito, ang dating P645 na daily minimum wage sa non-agriculture sector ay magiging P695. Para naman sa agriculture, service at retail establishments na may 15 o mas kaunting empleyado, pati na rin sa mga pabrika na may mas mababa sa 10 regular na manggagawa, tataas ang sahod mula P608 papuntang P658 kada araw.
Ang umento ay magiging epektibo simula Hulyo 18, 2025, isang araw pagkatapos ng anibersaryo ng huling dagdag sahod na ipinatupad noong Hulyo 17, 2024.
Makakatulong ang dagdag sahod para maibsan ang epekto ng mataas na presyo at init ng panahon na kinahaharap ng maraming manggagawa sa NCR.
