Ang collab ng PUMA at Balenciaga para sa Fall/Winter 2025 ay opisyal nang inilabas matapos unang ipakita sa Paris Fashion Week. Isa ito sa mga huling koleksyon ni Demna para sa Balenciaga. Highlight dito ang tracksuit – isang paborito ni Demna na patuloy niyang binabalik para baguhin ang dating imahe ng luxury fashion gamit ang simpleng sportswear.
Sa gitna ng fashion show, kitang-kita ang pagbabago ng mood nang pumasok ang PUMA pieces — may mga windbreaker, football training set, logo caps, at pati na ang bagong PUMA x Balenciaga shopping bag. May bagong designs din para sa Speedcat sneakers at ballet flats na may konting vintage look.
Bagamat simple at mas toned-down ang designs ng collab, hindi ito tulad ng mga naunang collection ni Demna gaya ng adidas x Balenciaga, kung saan mas exaggerated ang laki ng mga tracksuit at jersey. Ngayon, tila mas pinipili na niya ang regular fit at basic shapes, gaya ng makikita rin sa 2024 Under Armour collab niya.
Sa isang interview, sinabi ni Demna na sawa na siya sa oversized fashion. Ayon sa kanya, “Ginawa ko na ‘yan. Ayoko na ulitin.” Gusto raw niya ng bagong simula, kaya ang FW25 collection ay mas simple at diretsong mensahe.
Ngayong lilipat na si Demna sa Gucci, tanong ng marami — dadalhin ba niya ang sportswear style niya o magpapakita siya ng bagong fashion identity? Gucci ay may sariling pangalan at mas mahirap baguhin kumpara sa Balenciaga. Abangan kung anong bago at kakaiba ang ipapakita niya sa susunod.
