Ang unang electric motorcycle ni J Balvin ay isang kakaibang obra—hindi lang basta sasakyan, kundi parang sining na buhay. Ginawa ito sa tulong ng DAB Motors at ng bago niyang creative studio na VVT o Vita Veloce Team. Inilabas ang natatanging motor sa kanyang 40th birthday party sa Tuscany, Italy, kung saan present sina Daddy Yankee, Sofia Vergara, at Zion.
Ang disenyo ng motor ay parang galing sa anime—fully enclosed wheels, sleek na windshield, deep matte red na katawan, at graphic stickers sa buong body. May AI-powered design at 3D modeling na ginamit para matapos ito sa loob ng tatlong linggo lang. Ayon kina Mattias Gollin at Simon Dabadie ng DAB, hindi alam ni J Balvin kung kailan matatapos ang motor, kaya napasorpresa siya nang ilabas ito sa mismong party.
Ang goal nina Gollin at Dabadie ay gumawa ng isang motor na parang panaginip ang pakiramdam kapag sinasakyan. “Cinematic pero functional,” sabi nila. Isa itong electric motorcycle na hindi lang pamporma kundi may laman din sa performance at teknolohiya.
Makikita mo sa disenyo ng motor ni J Balvin na hindi siya takot maging kakaiba. Isa itong paalala na kahit sa mundo ng sasakyan, may puwang para sa creativity, fashion, at passion.
