Ang isang 28-araw na sanggol ay nasawi matapos mahigaan ng kanyang amang lasing habang natutulog sa bahay ng kanyang mga biyenan sa India.
Ayon sa mga pulis, si Alakunta Shekar, 22 taong gulang, ay dumating ng maaga sa kanilang bahay sa pagitan ng alas-5 hanggang alas-6 ng umaga noong Mayo 20. Parehong natutulog noon ang sanggol at ang ina nitong si Sujatha.
Ikinuwento ng lola ng sanggol na si Allepu Rajamani na nag-away sina Shekar at Sujatha noong gabi bago ang insidente. Pilit umanong pinapauwi ni Shekar ang kanyang asawa kahit kapapanganak pa lamang nito.
Nang umaga, bigla raw pumasok si Shekar sa silid at humiga sa kama nang hindi napapansin na naroon ang kanilang anak. Nagising si Sujatha at napasigaw nang makita ang sanggol na dumudugo ang ilong.
Agad dinala sa ospital ang sanggol, ngunit idineklarang patay pagdating. Inaresto na si Shekar habang patuloy ang imbestigasyon sa nangyari.
