Ang isang 27-anyos na miyembro ng LGBTQ+ ang nasaktan nang bugbugin ng isang kapwa miyembro sa Tondo, Maynila dahil umano sa selos. Sa CCTV footage, makikita na kahit sinubukan niyang dumipensa, hindi niya na napigilan ang pananakit. Pinagtatadyakan pa siya ng suspek kahit nakahiga na.
Ayon sa pulisya, motibo ang selos dahil nag-aagawan ang suspek at ang biktima sa ex-girlfriend ng biktima na ngayon ay kinakasama ng suspek. Nasabi rin na maaaring may kasalanan ang babae na naging dahilan ng insidente. Dinala sa ospital ang biktima, at nadagdagan pa ang sugat nang masemplang siya sa motorsiklo habang papunta doon.
Paliwanag ng suspek, nagsimula lang umano ito bilang biruan, ngunit nauwi sa pananakit matapos saktan siya ng biktima. Kasalukuyan siyang nahaharap sa kaso ng frustrated homicide habang nagpapagaling ang biktima.
