Ang isang Lufthansa flight mula Frankfurt papuntang Seville ay lumipad ng halos 10 minuto nang walang nagmamaneho ng eroplano. Nangyari ito noong Pebrero 17, 2024, habang nasa banyo ang kapitan at nawalan naman ng malay ang nag-iisang copilot. May 199 pasahero at 6 na crew ang sakay sa biyahe.
Naka-autopilot ang eroplano kaya nanatiling matatag ang lipad, kahit hindi agad napansin ng air traffic control ang pangyayari. Tatlong beses silang tumawag sa cockpit, pero walang sumagot.
Pagbalik ng kapitan mula sa banyo, sinubukan niyang buksan ang pintuan ng cockpit gamit ang normal na code, pero ayaw bumukas. Kinailangan pa niyang gumamit ng emergency code para makapasok muli.
Agad tinulungan ang copilot ng cabin crew at isang doktor na pasahero rin ng flight. Nang magkamalay ito, naalala raw niya ang ginawang tulong sa kanya.
Lumapag ang eroplano sa Madrid sa loob ng 20 minuto, at dinala agad sa ospital ang copilot. Lumabas sa imbestigasyon na meron pala siyang neurological condition na hindi nakita sa mga naunang medical exam. Dahil dito, nasuspinde ang medical certificate niya pansamantala.
