Ang isang maswerteng bettor sa Mandaluyong City ay nanalo ng P331.3 milyon jackpot sa Grand Lotto 6/55 nitong Sabado, May 17, 2025.
Ayon kay Melquiades Robles, general manager ng Philippine Charity Sweepstakes Office (PCSO), ang nanalo ay tumama sa winning combination na 30-29-42-28-02-43, na may kabuuang premyo na P331,359,271.20.
Ang winning ticket ay binili sa isang lotto outlet sa Kalentong, Mandaluyong. Bukod sa jackpot winner, may 28 second prize winners din na makakatanggap ng P100,000 bawat isa.
Dahil sa TRAIN Law, may 20% tax ang mga panalong higit sa P10,000, kaya mababawasan ng kaunti ang take-home ng mga nanalo.
Ang Grand Lotto 6/55 ay binobola tuwing Lunes, Miyerkules, at Sabado. Marami ngayon ang umaasang sila na ang susunod na jackpot winner.
