Ang bagong BANDAI SPIRITS 30 MINUTES MISSIONS (30MM) accessories ay inanunsyo, kabilang ang Full Armor Set 2 at Multi-Object Set 1 na nakatakdang ilabas sa Hunyo 2026. Kilala ang 30MM series dahil sa mabilis i-assemble, madaling i-customize, at high compatibility gamit ang 3MM joint system.
Nagbibigay ang 30MM ng malawak na paraan para baguhin ang hitsura at armas ng mga model kit. Dinisenyo ng mga sikat na mechanical designers tulad nina Ebikawa Kanetake at Yanase Takayuki, ang mga unit ay simple pero flexible para sa iba't ibang build at kulay depende sa gusto ng builder.
Para sa Option Parts Set 23 (Full Armor Unit 2), naglalaman ito ng full armor parts, rifle, axe, arm guards, at adapter parts. Gawa ito sa kulay abong plastic at compatible sa lahat ng 30MM units. Mainam ito para sa gustong magbigay ng mas matibay o “heavy armor” look sa kanilang Portanova o iba pang models.
Para naman sa Option Parts Set 24 (Multi-Object 1), kasama dito ang mini military vehicles tulad ng heavy tank, light tank, transport vehicle, armored vehicle, pati tents, containers, storage tanks, at water tower. Kahit maliit sa 1/144 scale, detalyado ang bawat item—from windows hanggang gun barrels—at mas gaganda pa pagkatapos i-paint. Perfect ito para sa dioramas at paglikha ng iba't ibang scene kasama ang 30MM mechas.
Parehong sets ay may SRP na 1,320 yen at available sa June 2026. Ideal ang mga ito para sa hobbyists na gusto ng mas creative at realistic na display setups.
