Ang bayani na si Ahmed al Ahmed, 43 anyos, ay hinangaan sa buong Australia matapos niyang pigilin ang gunman sa Bondi Beach, Sydney. Sa isang viral na video, makikitang nilapitan niya ang isa sa mga gunman habang nagpapaputok sa mga tao at kinuha ang baril mula sa kamay ng attacker.
Si Ahmed, isang fruit seller, ay nasugatan ng dalawang bala habang inililigtas ang iba. Ayon sa kanyang pinsan, si Mustapha, “Hero 100 porsyento siya at umaasa kaming gumaling siya sa ospital.”
Pinuri siya ng US President Donald Trump, na nagsabing ang kanyang matapang na aksyon ay nagliligtas ng maraming buhay. Pinuri rin siya ng Prime Minister Anthony Albanese at New South Wales Premier Chris Minns.
Sa kasamaang palad, 16 katao ang napatay at marami pa ang nasugatan sa tinaguriang terrorist attack na target ang Jewish community. Sa kabila ng trahedya, ipinakita ni Ahmed at ng iba ang katapangan at kabayanihan sa pagtulong sa kapwa.
