Ang AI chatbots ay kayang makaapekto sa political views ng mga tao, ayon sa bagong studies. Ipinakita ng research na kahit maikling usapan lang sa isang partisan chatbot ay puwedeng magbago ng pananaw ng botante.
Sa mga eksperimento gamit ang generative AI tulad ng GPT-4o at DeepSeek, nakita na kaya nitong itulak ang ilang Trump supporters papunta sa panig ni Kamala Harris ng halos apat na puntos sa 100-point scale bago ang 2024 US elections. Sa Canada at Poland, mas malaki pa ang naging epekto—abot hanggang 10 puntos.
Ayon kay Professor David Rand ng Cornell University, sapat ang ganitong pagbabago para makaapekto sa voting decisions. Sinabi niya na “one in 10” sa Canada at Poland ang nagbago ng sagot kung sino ang iboboto nila, habang “one in 25” naman sa US.
Ipinakita rin ng pag-aaral na ang pinaka-epektibong paraan ng chatbot para manghikayat ay ang pagiging magalang at pagbibigay ng ebidensya. Kapansin-pansin na mas mahina ang epekto ng bots na bawal gumamit ng facts. Pero hindi lahat ng “ebidensya” ng AI ay tama—may ilan itong maling impormasyon, lalo na kapag pabor sa right-leaning candidates.
May natuklasan din na kahit lumipas ang isang buwan, nananatili pa rin ang half ng epekto sa Britain at one-third sa US. Para kay Rand, bihira sa social science na may epekto na tumatagal nang ganito.
