Ang Ombudsman Jesus Crispin Remulla ay nag-utos ng anim na buwang preventive suspension sa 10 DPWH Region IV-B officials at 2 BAC members na kaugnay sa isyu ng corruption sa flood control projects. Ang utos ay inilabas noong Oktubre 23, ayon kay Assistant Ombudsman Mico Clavano.
Kabilang sa mga sinuspinde ang mga dating DPWH Region IV-B officials na may warrants of arrest: Gerald Pacanan, Gene Altea, Ruben Delos Santos Jr., Dominic Serrano, Felisardo Casuno, Timojen Sacar, Montrexis Tamayo, Juliet Calvo, Dennis Abagon, at Lerma Cayco.
Kasama rin sa suspension ang mga BAC members na sina Grace Lopez at Friedrich Karl Camero, na tinukoy sa request para sa Immigration Lookout Bulletin Orders (ILBO) mula sa Independent Commission for Infrastructure (ICI) sa Department of Justice, ayon sa Philippine News Agency.
Ayon kay Clavano, ang suspension ay kaugnay ng administrative case na sabay na isinampa kasabay ng criminal charges.
Sa ngayon, ang mga nasabing opisyal ay nag-plead not guilty sa Sandiganbayan 6th Division kaugnay ng anomalya sa flood control project sa Oriental Mindoro.
