Ang dalawang sundalong US National Guard ay kritikal na sugatan matapos ang isang targeted shooting malapit sa White House, isang insidenteng nagpasiklab ng panibagong kontrobersiya sa crime crackdown ni Pangulong Donald Trump.
Ayon sa ulat ng US media, ang suspek ay isang Afghan national na pumasok sa Amerika noong 2021. Hindi pa ito opisyal na pinapangalanan ng mga awtoridad. Sinabi ni Washington Mayor Muriel Bowser na ito ay isang targeted attack at ang salarin ay agad na naaresto.
Iniulat ng CBS News na ang suspek ay 29-anyos at gumamit ng handgun. Sinusuri rin ng mga imbestigador kung maaaring terrorism ang motibo. Ayon kay FBI Director Kash Patel, parehong nasa critical condition ang mga sundalo.
Nagmula ang pag-atake malapit sa Farragut West metro station, dalawang bloke mula sa White House. Ayon sa pulisya, in-ambush umano ng gunman ang dalawang sundalo bago siya mabilis na nasunggaban ng iba pang National Guard at pulis.
Pagkatapos ng insidente, mabilis na rumesponde ang mga security forces, isinara ang lugar, at naglagay ng mas mahigpit na seguridad. Inanunsyo ni Defense Secretary Pete Hegseth na magdadagdag pa ng 500 troops, na magdadala sa bilang sa humigit-kumulang 2,500 sundalo sa Washington — isang patakarang patuloy na kinukuwestiyon ng mga lokal na opisyal at korte.
