Ang 2026 Porsche Cayenne Electric ay opisyal nang ipinakilala, at ang Turbo model ang naging pinakamalakas na sasakyan ng Porsche, na may 1,139 hp at 1,106 lb-ft sa Launch Control. Kaya nitong umarangkada mula 0–60 mph sa 2.4 seconds at tapusin ang quarter mile sa 9.9 seconds.
Pinalakas ito gamit ang 800-volt platform at 113 kWh battery, na may 400 kW fast charging na kayang mag-charge mula 10% hanggang 80% sa loob ng 16 minutes. Mayroon din itong hanggang 600 kW regenerative braking, na sumasalo ng halos lahat ng pagpreno sa araw-araw.
Mas praktikal din ang modelong ito. Mas mahaba ang wheelbase kaya mas maluwag ang rear legroom, at ang cargo space ay nasa 19.5 hanggang 56.1 cubic feet, kasama ang 3.2 cu-ft frunk. May 7,716 lbs towing capacity, Off-Road Design Package, at adaptive air suspension para sa mas maayos na takbo sa anumang daan.
Sa labas, mas aero at mas sleek ang itsura — may lower hood, slim Matrix LED headlights, frameless doors, at 0.25 drag coefficient. Para sa Turbo, standout ang Turbonite accents at active aero blades.
Sa loob naman, unang beses ipinasok ng Porsche ang Flow Display cockpit, na may pinakamalaking display setup nila: curved OLED center screen, tatlong display panel, AR head-up display, AI Voice Pilot, Mood Modes, at interior surface heating para sa extra comfort.
Hindi rin agad mawawala ang gas at hybrid models dahil ilalabas ang Cayenne Electric kasabay ng iba pang powertrain options. Nagsisimula ang presyo sa $109,000 USD para sa Cayenne Electric at $163,000 USD para sa Turbo Electric, at inaasahang ilalabas late Summer 2026.
