Ang actress at businesswoman na si Ellen Adarna ay nagbahagi na umano’y niloko siya ng kanyang asawa na si Derek Ramsay. Sa kanyang Instagram Stories, ibinahagi niya ang ilang screenshot at video kung saan sinabi niyang nalaman niya lamang ito ilang linggo ang nakalipas.
Ayon kay Ellen, nangyari umano ang pagtataksil ilang araw lamang matapos silang magsimula sa relasyon noon. “Nine days o ten days pa lang kami sa relasyon. Hindi pa kami kasal noon pero kung nagawa niya ito sa honeymoon stage, gaano pa kaya pag lumipas ang tatlong buwan, anim na buwan, o isang taon?” ani niya.
Dagdag pa niya, karaniwan daw sa babaero na bumalik sa dati nilang gawi kahit na magustuhan nila ang isang tao sa honeymoon stage, pero sa kaso ni Derek, nangyari umano ito sa loob ng siyam na araw.
Sa kabila ng nangyari, sinabi ni Ellen na hindi niya ibubunyag ang pangalan ng ikatlong partido dahil sa payo ng kanyang mga abogado. Ayon sa kanya, hindi ito ex-girlfriend ni Derek kundi matagal nang kaibigan.
Wala pang opisyal na pahayag si Derek Ramsay tungkol sa isyung ito. Hindi pa rin malinaw kung ano ang susunod na hakbang ni Ellen matapos ang kanyang pagbubunyag.
