Ang kilalang outdoor brand na Salomon ay muling nagpakilala ng bagong modelo sa kanilang iconic XT series — ang XT-Whisper. Pinagsama nito ang trail-running technology at modernong disenyo para sa outdoor adventure at urban lifestyle.
Sa espesyal na collaboration, inilabas ng BEAMS ang XT-Whisper Special Edition na available sa men’s sizes 8 hanggang 12.
Tampok ng sneaker ang futuristic purple gradient na inspired sa glow ng electronic devices. May glossy accents at asymmetrical color blocking para sa mas industrial at technical na look. Makikita rin ang Salomon at BEAMS logos sa tongue, heel, at insole.
Gawa ito sa breathable at durable mesh upper na may Quicklace system para mas secure ang fit.
Inilabas ito sa presyo na humigit-kumulang ₱9,500 at opisyal na ire-release sa Oktubre 3.
