Ang Indonesia ay niyanig ng lindol na magnitude 6.0 nitong Martes ng gabi. Ayon sa ulat, tumama ito bandang 11:49 pm, nasa 156 kilometro silangan ng Surabaya sa isla ng Java. May lalim itong 13.9 kilometro.
Ang epicenter ay malapit sa Sidoarjo, kung saan isang paaralang Islam ang gumuho isang araw bago ang lindol. Tatlong tao ang namatay at marami pang biktima ang patuloy na hinahanap sa ilalim ng mga guho. Hindi malinaw kung naapektuhan ng lindol ang operasyon ng mga rescuer.
Mga residente at bisita sa mga hotel sa Sidoarjo ay naglabasan ng mga kuwarto matapos maramdaman ang pagyanig. Ayon sa isang nakaranas, napansin niyang gumagalaw ang ilaw kaya agad siyang lumabas dala ng takot.
Ayon sa ahensya ng meteorolohiya at lindol sa Indonesia, walang banta ng tsunami. Apat na aftershocks ang naitala pagkatapos ng lindol, kabilang ang isa na magnitude 4.4.
Indonesia ay madalas makaranas ng lindol dahil ito ay nasa Pacific "Ring of Fire," isang lugar kung saan madalas magbanggaan ang mga tectonic plates.
