Ang MINI John Cooper Works (JCW) ay nakipag-collab sa Deus Ex Machina para gumawa ng dalawang espesyal na kotse na one-off edition. Inilunsad sila sa IAA Mobility 2025 sa Munich, kung saan makikita ang malaking puting “X” sa bubong bilang simbolo ng kanilang pagsasama.
Unang ipinakita ang fully electric JCW J01 na may lakas na 258 hp (₱15.3M halaga), inspirasyon mula sa beach at surf culture. Kasunod nito ang combustion-engine JCW F66 na may 231 hp (₱13.7M halaga), na nakatuon sa bilis at motorsport design. Magkaiba ang personalidad ngunit parehong naka-base sa JCW platform.
Pinagtulungan ng mga designer mula sa parehong brand ang loob at labas ng mga kotse. Ang resulta ay modernong estilo na may halong racing heritage at lifestyle vibe—pinaghalo ang performance look at creative details.
Bukod sa kotse, inilunsad din ang unisex capsule collection ng apparel. Gumamit ito ng matibay na materyales at streetwear style na may motorsport touch. Available ito pagkatapos ng Munich debut at ilalabas din sa buong mundo.
