Ang 2025 MotoGP season ay hawak na hawak ni Marc Márquez at Ducati matapos ang ika-7 sunod na panalo sa Grand Prix ng Hungary sa Balaton Park. Sa panalong ito, mas pinatibay ni Márquez at Ducati ang kanilang malaking kalamangan sa championship standings, hawak na niya ang 455 puntos, o humigit-kumulang ₱27 milyon ang katumbas na halaga ng puntos sa premyo, at 175 puntos ang layo niya sa pangalawa.
Nagsimula si Márquez mula sa front row pero muntik na siyang bumangga kay Bezzecchi sa unang ikot. Mabilis siyang bumawi at nanatiling kalmado hanggang makuha ang tamang tiyempo. Sa lap 11, tinake-over niya ang liderato gamit ang tamang diskarte sa gulong na medium compound, dahilan para mapanatili niya ang bilis at makuha ang panalo ng may higit sa apat na segundong agwat.
“Malaking tulong ang medium tire, kasi kaya kong sumabay sa bilis ng naka-soft. Habang humahaba ang karera, mas kaya kong panatilihin ang ritmo,” pahayag ni Márquez na ngayo’y patuloy na nagmamando sa MotoGP 2025.
Samantala, si Francesco Bagnaia, na nagsimula sa ika-13 pwesto, ay nagpakita ng improvement. Kahit bumaba siya sa ika-9 matapos ang long-lap penalty, sinabi niyang mas komportable siya sa motor bawat ikot.
Magbabalik aksyon ang koponan sa Grand Prix ng Catalonia mula Setyembre 5 hanggang 7.
