Ang isang 9-anyos na batang Grade 3 sa Iligan City ay kritikal sa ospital matapos pagbuhusan ng pananakit ng apat na high school students. Ang biktima, kinilalang si Jonard, ay kasalukuyang nasa Intensive Care Unit (ICU) matapos magtamo ng malubhang pinsala sa ulo.
Ayon sa ulat, kumakain ng pananghalian si Jonard nang bigla siyang lapitan at pagbuhusan ng suntok, tadyak, at sipa ng mga suspek. Kahit duguan at nakahandusay na, patuloy pa rin ang pananakit at pagtapak sa kanya. Nakuhanan pa ng video ang insidente na ngayon ay kumakalat sa social media.
Humihingi ng hustisya ang pamilya ng bata at nananawagan ng pinansyal na tulong para sa lumalaking gastusin sa ospital na umabot na sa mahigit ₱200,000. Nagpaabot na rin ng tulong si Mayor Frederick Siao at tiniyak na hindi niya palalampasin ang insidente.
Nakikipag-ugnayan na ang lokal na pamahalaan sa Department of Education para imbestigahan ang pangyayari at masiguro ang kaligtasan ng mga estudyante sa nasabing paaralan.
yd5g5q