Ang mga motorista at residente sa Quezon Boulevard, Quiapo ay nagulat nang makita ang isang lalaking umakyat sa poste ng kuryente pasado alas-onse ng gabi noong Huwebes, July 10. Ayon kay Kagawad Mac Mateo ng Barangay 391, may problema umano ang lalaki sa kanyang asawa na may kinalaman sa ibang karelasyon.
Nagpadala agad ng pulis sa lugar at sinubukang kausapin ang lalaki. Kwento ni Mateo, natakot daw ito noong nakita ang mga pulis pero pinayuhan siya na makipag-usap at handa silang tumulong sa kahit anong problema niya.
Pagdating ng alas-dose ng madaling araw, unti-unti raw siyang bumaba mula sa poste. Ayaw daw niya ng maraming tao, kaya nung kumonti ang mga tao, saka siya bumaba nang payapa.
Dinala siya sa Barangay 308, kung saan siya nakatira. Doon siya sinundo ng kanyang pamilya at ilang tanod upang kausapin at aluin.
Tumanggi ang lalaki at ang kanyang mga kaanak na magsalita tungkol sa insidente.
