Ang McLaren Hypercar 2027, Pwede Mo Nang Mabili

Ang McLaren ay naglunsad ng Project: Endurance, isang espesyal na programa kung saan kakaunting tao lang ang makakakuha ng 2027 McLaren Le Mans Hypercar. Ang sasakyang ito ay kasabay ginawa ng factory LMDh car na lalaban sa FIA World Endurance Championship. May V6 twin-turbo hybrid engine ito at rear-wheel drive, na binuo kasama ang Dallara. Limitado lang ang bilang ng mga ganitong race car na gagawin.

Bukod sa pag-aari, ang Project: Endurance ay nagbibigay ng full access sa likod ng eksena sa testing, development at race events. Ang mga customer ay magiging parte ng pagbalik ng McLaren sa endurance racing, kung saan target nilang manalo sa tatlong malaking karera sa isang season: Le Mans, Monaco at Indy 500.

Kasama sa programa ang dalawang taong global track experience. May access ang mga customer sa top racing circuits, personal na coaching at full pit support. Mag-eensayo at magmamaneho sila kasama ang McLaren racing team, kaya mararamdaman ang tunay na factory driver experience.

Ayon kay McLaren CEO Nick Collins, “Ito ay isang kakaibang pagkakataon para mas mapalapit ang mga customer sa McLaren.” Dagdag pa ni McLaren Racing CEO Zak Brown, “Chance ito para maging parte ng aksyon—at magkaroon ng totoong race car.”

Tags: Autos