Ang isang lalaki ay nasawi at lima ang nasugatan matapos tumaob ang kanilang Mitsubishi Adventure sa NLEX Marilao, Bulacan noong Miyerkules. Kinilala ang nasawi na si Bong Chua, na idinakot sa Joni Villanueva Hospital pero dead on arrival. Ang kanyang mga kasama ay ginagamot din sa parehong ospital.
Ayon sa ulat, nawalan ng kontrol si Christopher Dave de Guzman sa manibela nang mabagsakan ng beam mula sa Marilao Interchange Bridge ang sasakyan. Ang beam ay nahulog matapos masagi ng container truck na minamaneho ni Roy Macalisang.
Sa imbestigasyon, dumaraan sa ilalim ng tulay sa Barangay Patubig ang mga sasakyan nang mangyari ang insidente. Dahil sa impact, natanggal ang isang beam ng tulay at tumama sa Adventure.
Dahil dito, pansamantalang inihinto ang toll sa northbound lane ng Marilao hanggang sa mabuksan muli ang apat na lane. Naglabas ng show-cause order ang DOTr sa NLEX Corp. kaugnay sa paulit-ulit na insidente ng overheight trucks na tumitira sa mga tulay.
Inatasan ng DOTr ang NLEX Corp. na ihinto muna ang koleksyon ng toll, magbigay ng tulong sa mga biktima, at magpasa ng paliwanag sa loob ng tatlong araw kung bakit hindi sila dapat parusahan sa paulit-ulit na aksidente.
