Ang cabin crew ng Cebu Pacific flight 5J851 mula Manila ay nakakita ng mensahe ng bomb threat na nakasulat sa tissue paper sa loob ng banyo ng eroplano sa Zamboanga International Airport (ZIA) noong umaga ng Hunyo 14. Nakasaad sa tissue ang salitang "may bomba" at nakita ito bandang 8:20 a.m. matapos bumaba ang mga pasahero.
Agad itong ini-report sa ground security, at agad namang sinuri ang buong eroplano. Walang nakitang pampasabog, ayon sa Civil Aviation Authority of the Philippines (CAAP). Kasunod nito, nagsagawa rin ng paneling operations sa Passenger Terminal Building ng paliparan bilang dagdag na pag-iingat.
Idineklara nang kontrolado ang sitwasyon bandang 8:59 a.m. at bumalik na sa normal ang operasyon ng paliparan. Ayon sa CAAP, ang ganitong uri ng banta ay seryosong usapin sa seguridad. Paalala ng ahensya: Ang sinumang gumawa ng peke o malisyosong bomb threat ay maaaring makulong hanggang 5 taon o magmulta ng hanggang P40,000. Hindi rin papayagang makapagpiyansa ang sinumang mahuhuli habang nililitis sa korte militar.
