Ang trahedya sa Osmeña Street sa Cebu City ay ikinasawi ng dalawang motorcycle rider matapos silang magsalpukan noong Linggo ng umaga. Ayon sa kuha ng CCTV, isang rider ang kumaliwa kasabay ng SUV, habang paparating naman mula sa kabilang lane ang isang mabilis na big bike.
Ayon sa imbestigasyon ng pulisya, parehong may pagkakamali ang dalawang rider. Ang kumaliwa ay lumabag sa batas-trapiko dahil sa illegal turn, habang ang big bike naman ay overspeeding. Dahil sa lakas ng impact, parehong dinala agad sa ospital ang mga rider ngunit kalaunan ay binawian din ng buhay.
Ipinaalala ng mga awtoridad na mahalagang sundin ang mga speed limit at tamang traffic rules para makaiwas sa disgrasya. Ang overspeeding ay isa sa mga karaniwang sanhi ng aksidente sa kalsada, kaya’t paalala ng LTO at mga traffic enforcer: Ingat lagi sa biyahe!
